Ата-аналармен өткізілген жалпы жиналыс Балабақшаның кіші және ортаңғы топтарында ата-аналармен жалпы жиналыстар өткізілді.Кіші топ ата-аналарымен кездесуде балалардың балабақшаға бейімделу ерекшеліктері, жаңа ортаға үйрену кезеңінде кездесетін қиындықтар және балаға психологиялық қолдау көрсету жолдары талқыланды. Ата-аналарға пайдалы кеңестер беріліп, ақпараттық жадынамалар таратылды.

Ортаңғы топ ата-аналарымен өткен жиналыста 3–4 жастағы балалардың жас ерекшеліктері, осы кезеңдегі дағдарыс, мінез-құлық өзгерістері және баламен дұрыс қарым-қатынас жасау жолдары туралы айтылды. Сонымен қатар балабақшаға бейімделу мәселелері де қарастырылды.

Жиналыс барысында ата-аналардың сұрақтарына жауап беріліп, бала тәрбиесі мен дамуына қатысты ұсыныстар берілді.

Мақсатымыз — баланың үйлесімді дамуына жағдай жасау және балабақша мен отбасы арасындағы ынтымақтастықты нығайту!